प्रधानमन्त्री ओली आज स्वदेश फर्कंदै

१ जेठ, पोखरा ।

प्रधानमन्त्री केपी शर्मा ओली आज स्वदेश फर्कने भएका छन् । गत वैशाख २६ गते भियतनाम र कम्बोडियाको भ्रमणमा निस्केका प्रधानमन्त्री ओली बुधबार स्वदेश फर्कन लागेका हुन् ।

धानमन्त्री ओली पत्नी राधिका शाक्य, परराष्ट्रमन्त्री प्रदीप ज्ञवालीलगायतको टोली लिएर वैशाख २६ गते भियतनाम भ्रमणमा निस्केका थिए । भियतनाम भ्रमणमा ओलीले आफ्ना समकक्षीलगायत विभिन्न व्यक्तिहरुसँग भेटघाट गरेका थिए ।

प्रधानमन्त्रीको भ्रमण टोली साँझ स्वदेश आइपुग्ने प्रधानमन्त्री ओलीको सचिवालयले जानकारी दिएको छ । भियतनामको भ्रमणपछि ओली त्यतैबाट कम्बोडिया लागेका थिए । प्रधानमन्त्रीस्तरबाट पहिलोपटक भएको यो भ्रमणलाई प्रधानमन्त्रीले सफल भएको बताएका छन् ।