नक्कली सुन बिक्री गर्न खोज्ने ७ जनाको गिरोह पोखरामा पक्राउ

fataha

साउन १४, कास्की,

नक्कली सुन बिक्री गर्न खोज्ने ७ जनाको गिरोहलाई कास्की प्रहरीले पक्राउ गरेको छ ।

सुन भनेर सुन जस्तो धातु देखाएर बिक्री गरी मानिसलाई ठगी गर्न खोजेको अभियोगमा पोखरा महानगरपालिका (८ सृजनाचोकस्थित पर्वत सुनचाँदी पसलमा कालीगढको रुपमा काम गर्ने भुवन बिक समेत ७ जनालाई पक्राउ गरेको कास्कीका प्रहरी नायव उपरीक्षक तथा प्रहरी प्रवक्ता सुवास हमालले जानकारी दिनुभयो।

प्रहरीको टोलीले उनीहरुलाई 999.9 Fine Gold YS-180A  लेखिएको नक्कली धातु र ८ थान मोवाइलसहित पक्राउ गरेको हो।

पक्राउ पर्नेमा म्याग्दी जिल्ला रघुगंगा गाउँपालिका (३ राखु स्थायी घर भइ हाल पोखरा (२ मिरुवा बस्ने ४२ वर्षीया बिमला दमाई, रुपन्देही जिल्ला देवदह नगरपालिका (५ नमुना टोल स्थायी घर भइ हाल पोखरा (६ फिर्के बस्ने ३५ वर्षीय विशाल थापा मगर, कास्की अन्नपूर्ण गाउँपालिका (३ पाउदुर स्थायी घर भइ हाल पोखरा (३ मिरुवा बस्ने ४४ वर्षीय गणेश बहादुर दर्जी, रामेछाप जिल्ला सुकाजोर नगरपालिका (७ वृता स्थायी घर भै हाल पोखरा (१० रामबजार बस्ने २३ वर्षीय अनिल भुजेल, सर्लाही जिल्ला बागमती नगरपालिका (१ डापडाँडा स्थायी घर भइ हाल पोखरा (१० रामबजार बस्ने ४२ वर्षीय ईन्द्र बहादुर बलम पाकी, चितवन जिल्ला टाँडी नगरपालिका (२ स्थायी घर भइ हाल पोखरा (८ सृजनाचोक बस्ने ३४ वर्षीय भुवन बिक र चितवन जिल्ला राप्ती नगरपालिका (९ स्थायी घर भइ हाल पोखरा (१० रामबजार कृष्णमन्दिर बस्ने ३५ वर्षीय प्रकाश परियार रहेका छन्।

प्रहरीले वरामद गरेको उक्त धातुलाई परीक्षणका लागि सुनचाँदी व्यवसायी संघ कास्कीमा पठाउँदा उक्त धातु सुन नभएको पुष्टि भएको थियो ।

पक्राउ परेका उनीहरुविरुद्ध मुलुकी अपराध संहिता २०७४ को परिच्छेद २१ अन्तर्गत सम्मानित कास्की जिल्ला अदालतबाट ठगी, आपराधिक बिश्वासघात तथा आपराधिक लाभ सम्बन्धी कसूर अन्तर्गत जिल्ला अदालत कास्कीबाट १० दिनको म्याद थप अनुमति लिएर आवश्यक अनुसन्धान प्रक्रिया अगाडि बढाइएको प्रवक्ता हमालले बताउनुभयो।