अरब सागरमा आएको चक्रवात आँधीका कारण भारतमा करिब एक सय मानिस हराए

chakrawaat

जेठ ४, एजेन्सी,


अरब सागरमा आएको चक्रवात आँधीका कारण मुम्बईको समुद्र तट नजिक एक सानो पानि जहाज ’पी ३०५’ डुब्दा करिब १०० जना मानिस अझै पनि हराइरहेका छन् ।
भारतीय जलसेनाले जहाजमा यात्रा गरिरहेका दुई सय ७० जनामध्ये एक सय ७७ जनाको उद्धार गरिएको र बाँकी मानिसको खोजी भइरहेको जनाएको छ । त्यस्तै झन्डै सात सय जना रहेका तीन अन्य व्यापारिक जहाज अरब सागरमा नै रोकिएको बीबीसी हिन्दीले जनाएको छ ।
यस्तै तटरक्षक बलको चेतक हेलिकप्टरले ग्याल कन्स्ट्रक्टर जहाजको चालक दलका सबै एक सय ३७ जनाको उद्धार गरेको छ । अरब सागरमा विकसित शक्तिशाली चक्रवातका कारण भारतमा १६ जनाको ज्यान गएको छ । एक लाख ५० हजार जना विस्थापित भएका छन् । केरला, कर्नाटक, गोवा, महाराष्ट्र, गुजरातको जनजीवन प्रभावित भएको छ ।