रोहिंग्या मुसलमानहरु माथि भई रहेको नरसंहारको विरोधमा बाँकेमा प्रर्दशन

बाँके । बाँकेको नेपालगंजमा आर्ईतबार ठूलो संख्यामा मानिसहरुले विरोध प्रदर्शन गरे । बर्मामा रोहिंग्या मुसलमानहरु माथि भई रहेको नरसंहारको विरोधमा बाँकेका नागरिकहरुले प्रर्दशन गरेका हुन् । स्थानीय जामा मस्जिद र इस्लामी संघ भेरी जोनको नेतृत्वमा भएको विरोध प्रदर्शन बिपी चौक देखि सुरु भई जिल्ला प्रशासन कार्यालयमा पुगेर सकिएको थियो ।

कार्यक्रममा बोल्दै इस्लामी संघका प्रमुख मौलाना उबेदुर रहमान खानले रोहिंग्या मुसलमानहरु माथि भई रहेको अत्याचारलाई रोक्न सबैले दबाब दिनु जरुरी रहेको बताए । नेपालगंजमा भएको प्रर्दशनमा पूर्व श्रम मन्त्री मोहम्मद इस्तीयाक राइले नेपाल सरकारले समेत यो घटनालाई चासोका साथ लिएर सम्बन्धीत सरकारलाई दबाब दिन जरुरी रहेको बताएका थिए ।

यस्तै मुस्लिम अगुवा मेराज अहमद हिमालले बर्माका मुस्लिमहरु माथि भई रहेको अत्याचारको नेपाली मुस्लिम कडा रुपमा विरोध गरेको जिकिर गर्दै तत्काल नसंहार रोक्न माग गरे । यसैगरी नेपाल इक्रा एजुकेशन फाउण्डेशनका केन्द्रीय अध्यक्ष अब्दुल कविले बर्मामा लाखौ रोहिग्या मुस्लिमहरुको हत्या भई सकेको बताउँदै संयुक्त राष्ट्र संघले तत्काल शान्ती सेना पठाउन जरुरी रहेको जिकिर गरे । जामा मस्जिदका अध्यक्ष रहिस अहमद सिद्धिकिले प्रमुख जिल्ला अधिकारीलाई नरसंहार रोक्नका लागि पहल गर्न ज्ञापन पत्र बुझाएका थिए ।

विरोध प्रर्दशनमा बाँके जिल्लाका मुस्लिम, हिन्दु लगायतको सहभागिता रहेको जामा मस्जिद नेपालगंजले जनाएको छ । रोहिंग्या म्यान्मार वा बर्मामा बस्ने अल्पसंख्यक समूह हो । बर्मामा दश लाखभन्दा बढी रोहिंग्या रहेको अनुमान गरिन्छ र उनीहरू देशको उत्तरी भाग राखिने राज्यमा बस्छन् । उक्त क्षेत्र भारत र बंगलादेशको सिमानामा पर्छ ।

Comments

comments

सम्बन्धित पोस्टहरू

Leave a Comment