प्रदेशको शान्ति सुरक्षाको लागि विशेष योजना आउँछ : मन्त्री चुमान

तनहुँ  । प्रदेश नं ४ का आन्तरिक मामला तथा कानुनमन्त्री हरिबहादुर चुमानले जनताले शान्ति सुरक्षा र कानुनी शासनको अनुभुति हुने गरि विशेष योजना निर्माणमा आफु लागिरहेको बताएका छन ।  गृह जिल्ला तनहुँको व्यास नगरपालिका १२ छिरकनमा रहेको अमरज्योति माध्यामिक विद्यालयको स्वर्ण जयन्ती समारोहको उदघाटन गर्दे उनले मुलुकमा अहिले संघियताको विबषयमा चलेका सबै खाले चर्चालाई पनि मध्यनजर गर्दे जनताको सरकार घर आँगनमा सजिलै पुग्न सक्ने ब्यबस्था निर्माण तिर ध्यान केन्द्रित रहेको बताए ।

पहिलो पटक प्रदेश सरकार र स्थानिय सरकारको अभ्यासमा रहेकाले केही कानुन र निति निर्माणका लागि समय खर्चनु पर्ने बाध्यता आफुसंग रहेको उनको भनाई थियो । केन्द्रिकृत शासन प्रणालीबाट संघियताको मोडलमा जाँदा स्वभाविक रुपमा केही अन्यौलता जस्तो देखिएपनि विस्तारै सहजतातर्फ जाने र परिणाम निस्कने उनको विश्वास थियो ।

अहिलेका न्याय सम्पादन प्रणालीमा पनि सुधार आवश्यक रहेको मन्त्री चुमानले सो अवसरमा उल्लेख गरे । न्याय सर्वसाधारणको सहज पहुँच र दण्डहिनताको अन्त्यका लागि मन्त्रालय कठिबद्ध भएको उनले दावि गरे ।  भर्खरै बसेको प्रदेश मन्त्री परिषदको बैठकबाट प्रदेशमा आवश्यक पर्ने कानुन र्निमाणको लागि आफ्नो नेतृत्वमा मयौदा समिति बनिसकेको र समितिले काम सुरु गरिसकेको उनले जानकारी दिए । कानुन निर्माणपछि जनताले प्रत्यक्ष अनुभुति हुने गरि जनपक्षिय कामहरु हुदै जाने कुरामा विश्वस्त रहन मन्त्री चुमानले आग्रह गरे ।

सो अवसरमा उनले विद्यालयको नवर्निर्मित १२ कोठे भवनको पनि उद्घाटन गरेका थिए । शिक्षा मन्त्रालय र स्थानियकोे जनश्रमदानबाट करिब ७० करोड रुपैयाँको लागतमा उक्त भबन र्निमाण भएको विद्यालयका प्रधानध्यापक अम्विका पाण्डेले जानकारी दिईन ।

Comments

comments

सम्बन्धित पोस्टहरू

Leave a Comment