कास्कीमा ३० हजार नयाँ मतदाता, प्रदेश र प्रतिनिधिसभा चुनावमा दुई लाख ५५ हजारले मतदान गर्न पाउने

तारा पौडेल/पोखरा । कास्कीमा ३० हजार ६ सय ७० नयाँ मतदाता थपिएका छन् । आगामी मंसिर १० र २१ हुने प्रतिनिधि सभा र प्रदेश सभा सदस्य निर्वाचनमा कास्कीका पाँचै वटै स्थानिय तहबाट स्थानिय तहबाट ३० हजार ६ सय ७० नयाँ मतदाता थपिएका हुन् । स्थानीय तहको दोस्रो चरणको निर्वाचन सम्पन्न भएपछि आयोगले १ साउनदेखि भदौ ३ गतेसम्म देशैभर मतदाता नामावली संकलन थालेको थियो । यसअघि वैशाख ३१ गते सम्पन्न स्थानिय तह निर्वाचनमा २ लाख २४ हजार ८ सय ११ जना मतदाता रहेको कास्कीमा आगामी निर्वाचनमा दुई लाख ५५ हजार चार सय ८१ मतदाताले मतदान गर्ने पाउने भएका छन् ।

निर्वाचन आयोगबाट प्राप्त कास्की जिल्लाका मतदाताहरुको प्रारम्भिक संख्यात्मक विवरण अनुसार कास्की जिल्लाका कुल मतदाताहरुमध्ये एक लाख १९ हजार तीन सय दुई जना पुरुष, एक लाख ३६ हजार एक सय ७५ महिला र चार जना तेस्रोलिङ्गी रहेका छन् ।

स्थानिय तह अनुसार पोखरा लेखनाथ महानगरपालिकामा १ लाख ९१ हजार ७ सय ५० मतदाता रहेका छन् । जसमा पुरुष मतदाता ८८ हजार चार सय तीन, महिला मतदाता एक लाख तीन हजार ३ सय ४६, र तेस्रोलिङ्गी मतदाता एक जना रहेका छन् ।

यस्तै गरी, अन्नपुर्ण गाउँपालिकामा कुल मतदाताको संख्या १७ हजार छ सय ६७ रहेको छ । जसमा आठ हजार पाँच सय ४९ पुरुष, ९ हजार एक सय १७ महिला र एक जना तेस्रोलिङ्गी मतदाता छन् । माछापुछ्रे गाउँपालिकामा कुल १८ हजार ११ मतदाता रहेकोमा आठ हजार सात सय २९ पुरुष, नौ हजार दुई सय ८१ महिला र एक जना तेस्रोलिङ्गी मतदाता छन् ।

मादी गाउँपालिकामा कुल मतदाता १५ हजार आठ सय ४३ मतदातामध्ये सात हजार सात सय २६ पुरुष र आठ हजार एक सय १७ महिला मतदाता छन् । त्यस्तै गरी रूपा गाउँपालिकामा १२ हजार दुई सय १० मतदातामध्ये पाँच हजार आठ सय ९५ पुरुष, छ हजार तीन सय १४ महिला र एक जना तेस्रोलिङ्गी मतदाता छन् ।

आगामी मंसिरमा हुने प्रतिनिधिसभा र प्रदेशसभा निर्वाचनका लागि देशभर कूल मतदाता संख्या एक करोड ५४ लाख २७ हजार ७३१ कायम भएको निर्वाचन आयोगले जानकारी दिएको छ । जसमा पुरुष मतदाताको संख्या ७७ लाख ७६ हजार ४९६ रहेका छन् भने महिला ७६ लाख ५१ हजार ६५ र तेस्रो लिङ्गी मतदाता १७० जना रहेका छन् । यस अनुसार एक लाख २५ हजार ४३१ पुरुष मतदाता बढी भएका छन् ।

 

Comments

comments

सम्बन्धित पोस्टहरू

Leave a Comment