पोखरा ।
नेपाली काँग्रेसका बरिष्ठ नेता रामचन्द्र पौडेलले सत्ता र शक्तिको आडमा नेकपाले उपनिर्वाचनलाई प्रभाव पार्न खोजेको आरोप लगाए ।
नेपाल प्रेस युनियन कास्कीले पोखरामा आज आयोजना गरेको पत्रकार सम्मेलनमा बोल्दै नेता पौडेले उपनिर्वाचनमा सत्ता र शक्तिको आडमा चुनावलाई प्रभाव पार्ने दुष्प्रयास भइरहेको सुचना आफुलाई आएको वताए ।
उनले निर्वाचन आयोग, प्रशासनलाई बुथ कब्जा हुने परिस्थिती आउन नदिन समेत सचेत गराए । पौडेलले काँग्रेसमा उमेदवार खेम राज पौडलेलाई ‘तटस्थ मतदाताहरुको पनि सहानुभूती रहेको वताए ।
बरिष्ठ नेता पौडेले नेकपाका नेताहरुले कालापानीको विषयमा काँग्रेसलाई दोष लगाउन भन्दा राष्ट्रियताको विषयमा काम गरेर देखाउन आग्रह गरे । अहिले कम्यूनिष्टहरुले जनतालाई गुम्राहमा पार्ने दुष्प्रयास गरेको उनको आरोप रहेको छ ।
