चैत्र २ गते जनप्रिय उच्च माविमा नेपाल लोक स्टारको अडिसन हुने

पोखरा ।

चैत्र २ गते पोखराको जनप्रिय उच्च मावि सिमलचौरमा एपी वान टेलिभिजनले आयोजना गर्ने नेपाल लोक स्टारको अडिसन हुने भएको छ ।

पोखरामा बुधबार पत्रकार सम्मेलनको आयोजना गरेर आयोजकले कार्यक्रमका विषयमा जानकारी गराएको हो । कार्यक्रममा नेपाल लोक स्टारका परिकल्पनाकार माधव थापाले गला र कला भएको तथा पुर्वकोले पश्चिम तथा पश्चिमकोले पुर्वका गीतहरु गाउन सक्ने प्रतिभाहरुको खोजी गर्ने आफुहरुको मुख्य उद्देश्य भएको बताए ।

नेपालको सन्दर्भमा कतिपय रियालिटी शोहरुका जितिसकेपछि हराउने गरेको भएपनि लोक स्टारको विजेताले त्यसरी हराउनु नपर्ने थापाले दावी गरेका छन् । नेपाल लोक स्टार कार्यक्रम समेत नेपाल आइडलकै लेबलमा हुने भएपनि फरक किसिमको हुने दावी गरे । आफुहरुको चाहाना फाइनलमा भोटिङ्ग सिस्टम गरिएपनि विवादमा नपरोस् भन्ने रहेको उनको भनाई रहेको थियो ।

सुनिता दुलाल, रामजी खाँड तथा बीबी अनुरागी निर्णायक रहने उनले कार्यक्रममा जानकारी दिएका छन् । अहिलेसम्म कास्कीबाट ३५ तथा गण्डकी प्रदेश भरीबाट २ सय जनाले अडिसनका लागि फारम भरेको समेत उनले बताएका छन् । चाहाना मिडियाको आयोजनामा हुने नेपाल लोक स्टारको विजेताले पुरस्कार स्वरुप प्रथम, द्धित्तीय तथा तृतीय हुनेले क्रमश ः ५० लाख, २५ लाख तथा १० लाख नगद पाउने भएको छन् ।

Comments

comments

सम्बन्धित पोस्टहरू

Leave a Comment