चैत्र २१, पोखरा ।
बिगत १८ वर्षदेखि ग्राहक वर्गमा गुणस्तरीय कुखुराको मासुजन्य परिकार विक्रि गर्दै आएको फेवा मिट प्रोडक्ट् प्रालिले पोखरा–१७, विरौटामा अत्याधुनिक पोल्ट्री बधशाला तथा फेवा चिकेन पोईन्ट सञ्चालनमा ल्याएको हो ।
६ करोड भन्दा बढिको लागतमा सञ्चालनमा आएको पोल्ट्री बधशालाको गण्डकी प्रदेशका पर्यटनमन्त्री विकास लम्सालले माघ ८ गते उद्घाटन गरेका थिए ।
ग्राहक वर्गको आवश्यकतालाई मध्यजनर गर्दै व्यवस्थित मासु एवं मासुजन्य परिकार उपलब्ध गराउने संचालक सुर्यप्रसाद बरालले जानकारी दिए । अत्याधुनिक मेसिनको प्रयोग गरी मासुको गुणस्तर निर्धारण गरिने उनले बताए ।
गण्डकी प्रदेशमा खपत हुने करिब ६ प्रतिशत अर्थात दैनिक २ हजार ५ सय केजी कुखुरा विक्रि गर्दै आएको प्रा।लि।ले आफ्नो उद्योगमा उत्पादन भएको कुखुराको गुणस्तरिय रुपमा काट्न सक्ने (स्लटीङ) तथा चिकनका विभिन्न परिकार उपलब्ध गराएको निर्देशक बरालले बताए ।
ईटलीबाट भित्राइएको अत्याधुनिक मेसिनले दैनिक करिब ४ हजार कुुखुरा स्लटीङ गर्न सकिने उनले बताए । अन्तराष्ट्रिय बजारमा लैजान सक्ने गरी गुणस्तरियमा कुनै कन्जुसाई नगरेको उनको भनाई थियो । उक्त उद्योगमा हाल ५५ जनाले रोजगार पाएकाछन् ।
पोखरा क्षेत्रमा स्तरिय खाजा, रेष्टुरेण्ट कम मात्रमा भएकोले बजारको माग अनुसार आफुहरुले चिकेन प्वाईन्टबाट खाजका विभिन्न परिकार बजारमा ल्याएको उनले जनाए । उनका अनुसार चिकेन रोल, चिकेन फ्राई, चिकेन ग्रिल फ्राई, चिकेन विर्यानी, चिकेन वन, चिकेन सोर्मा, लगायतका खाजाका आईटहरु उपलब्ध छ ।
प्रति चिकेन वनको मुल्य ३० र चिकेन रोलको मुल्य एक सय रुपैया रहेको छ । ५ सयमा एक केजी चिकेन ममः उपलब्ध गराएको संचालक बरालले बताए । उनका अनुसार चिकेन तन्दुरी र चिकेन फ्राईको प्रति किलो १ हजार रुपैयाँ मुल्य निर्धारण गरिएको छ ।
फेवा मिट अन्र्तगत चिकेन पोईण्ट मार्फत विभिन्न खाजाको परिकार घर तथा पसल एवं कार्यालयमा प्याकिङ गरी लैजाने लक्षित गरेर बजारमा ल्याएको हो । पोखरामा होम डेलिभरी गरी करिब एक घण्टा भित्र खाजाको आइटम घर घरमा पुराउने लक्ष्यका साथ आफुहरुले तयारी गरेको बरालले जनाए ।
