मुटु सचेतना कार्यक्रम सम्पन्न

पोखरा । लायन्स क्लव अफ पोखरा फेवा फिस्टेल सिटी र नेपाल हृदय रोग निवारण प्रतिष्ठान कास्कीको संयुक्त आयोजनामा एक दिने मुटु रोग सम्बन्धी सचेतना कार्यक्रम शनिबार सम्पन्न भयो ।

दुई संस्थाका सदस्यहरू र अन्य सर्वसाधारण गरी ७० जनाको सहभागितामा सम्पन्न कार्यक्रमको उद्घाटन फिस्टेल हस्पिटलका सिनियर सर्जन एवम् मनिपाल शिक्षण अस्पतालका प्रोफेसर डा. प्रदिप घिमिरेले गर्नु भएको थियो । उद्घाटन मन्तव्य दिदै प्रा.डा. घिमिरेले रोगहरू सर्ने र नसर्ने हुनेमा मुटुरोग नसर्ने रोग अन्तर्गत पर्दछ । रोग लाग्ने कुरामा बढीमात्रमा मानिस आफै जिम्मेवार हुने बताउनु भयो । मानव अंगका सबै अंगहरू उत्तिकै महत्वपूर्ण हुने भएपनि मुटुको अरू महत्व रहेको छ । बच्चाहरूमा हने रोगहरू अन्तर्गत स्टेप्टोकोकस ग्रुप ए जातको ब्याक्ट्रेरियाबाट हुने समस्यामा छालामा हुँदा किड्नीलाई असर पार्ने, घाँटीको टन्सिल हुँदा मुटु बाथ ज्वोरो र बाथ मुटु रोग हुने भएकोले यो समस्यालाई तुरुन्तै निराकरण गर्नु पर्ने बताए ।

सहभागीहरूलाई नेपाल हृदय रोग निवारण प्रतिस्ठानका कार्यक्रमहरूको बारेमा जानकारी, बच्चालाई हुने टन्सिल, बाथ ज्वोरो, बाथ मुटुरोग, जन्मजात हुने मुटुरोग, उच्च रक्तचाप, हृयघातलगायत विषयवस्तुहरूमा प्रशिक्षिक सूर्यप्रसाद ढकाल र डा. सुजु जमरकट्टेलले प्रशिक्षण दिनु भएको थियो ।

सो अवसरमा स्वास्थ्यका हिसावले तीन वटा खानेकुराहरूमा चिनि, नून र मैदा बाट बनेका खानेकुराहरू खान नहुने, स्वास्थ्य जीवन शैलि र स्वास्थ्य व्यवहार अपनाउनु पर्ने साथै नियमित शारीरिक व्यायम गर्नुपर्ने विषयवस्तुका बारेमा छलफल भएको थियो ।

लायन्स क्लव अफ पोखरा फेवा फिस्टेल सिटीका अध्यक्ष एवम् नेपाल हृदय रोग प्रतिस्ठानका क्षेत्रीय सचिव केदार ढकालको अध्यक्षतामा सम्पन्न कार्यक्रममा क्षेत्रीय उप–प्रसाद गिरिधारी सुवेदी, नेपाल हृदय निवारण प्रतिस्ठानका केन्द्रीय सदस्य सूर्यप्रसाद ढकाल, लायन जिएमटी कोर्डिनेटर एवम् क्लवका चार्टर प्रेसिडेन्ट टेकनारायण शर्मा ढकाल, डिष्ट्रिक्ट कमिटि चियर पर्सन बाबुराम अधिकारी, डिष्ट्रिक्ट को–चियरपर्सन विष्णु बराल, जोन चियरपर्सन सुरेन्द्र पौडेल, सुरक्षित मातृत्व संजालका केन्द्रीय सदस्य रजनी केसी, नेपाल हृदय रोग निवारण प्रतिष्ठान कास्की शाखाका सचिव कुलबहादुर नेपालीले बोलेको कार्यक्रमको संचालन लायन्स क्लव अफ पोखरा फेवा फिस्टेल सिटीका सचिव कुलप्रसाद बरालले गरेका थिए ।

Comments

comments

सम्बन्धित पोस्टहरू

Leave a Comment