अपराध नियन्त्रण गर्न स्कुल स्कुलमा प्रहरी

आदित्य दाहाल

समाजमा पछिल्लो समय यौन हिंसा, साइवर क्राइम, लैङ्गिक हिंसा जस्ता विभिन्न किसिमका अपराधहरु बढ्दो रुपमा देखापरेका छन् । प्रहरीकै तथ्याङ्क हेर्ने हो भने गत आर्थीक बर्षको २०७४÷०७५ मा मात्रै एकहजार ४८० बलत्कारका घटना भएको देखिन्छ । त्यस्तै साइवर अपराध, लैंगिक हिंसा र घरेलु हिंसा पनि उत्तिकै मात्रामा हुने गरेको प्रहरीको तथ्याङ्कमा उल्लेख छ ।  समाजमा बलात्कार, जबरजस्ती करणी, बहुविवाह, सम्बन्ध बिच्छेद, साइवर अपराधका घटनाहरू प्रतिदिनजस्तो भइरहेको छ ।

घटना न्यूनिकरणका लागि प्रहरी, स्थानीय संघसंस्था, अधिकारकर्मीले सचेतनामूलक कार्यहरु गर्दै आइरहेका छन् । तर यस्ता कार्यक्रमले अपराधहरु केही हदसम्म न्यूनिकरण गरेको भएतापनि पुरै निर्मुल हुन सकेको छैन ।  कमजोर आर्थीक अवस्था भएका, शिक्षाबाट बञ्चित बन्न पुगेका, तथा पारिवारिक दवावमा परेका बालबालिका नै हिंसा र अपराधको मुख्य सिकार बन्न पुगेको देखिन्छ । समाजमा घट्ने यस्ता विभिन्न किसिमका हिंसा तथा अपराधको सिकारमा सबैभन्दा बढी बालबालिका पर्ने गरेका छन् ।

आफ्नै आफन्त र चिरपरिचित मानिसबाटै हिंसा हुने गरेको तथ्याङ्कका कारण यस्ता हिंसा न्यूनिरकणका लागि महानगरीय प्रहरी प्रभाग साँखुले शंखरापुरको विभिन्न विद्यालयमा हिंसा तथा अपराध विरुद्ध सचेतना कार्यक्रम संचालन गर्दै आइरहेको छ । महिला, बालिकालाई मात्र नभएर बालक तथा पुरुषलाई पनि कानून र सचेतना आवश्यक पर्ने हुनाले अपराध र हिंसाबाट बच्नको लागि स्कुल स्कुलमा प्रहरी पुगेर हिंसा तथा अपराध विरुद्धका कक्षाहरु दिने गरेको महानगरीय प्रहरी प्रभाग साँखुका प्रहरी निरीक्षक लक्ष्मी खनालले बताउनुभयो ।

अहिले आधुनिकतासंगै भित्रिएका विभिन्न प्रविधिले पनि यौनजन्य अपराधका घटना तथा हिंसा गर्ने हुनाले यसबाट सचेत रहन के गर्ने तथा कस्ता कस्ता गतिविधि गरे कानून अनुसारको दण्डित हुनुपर्र्छ भन्ने विषयमा  विद्यार्थीहरुलाई सचेतना सम्बन्धी शिक्षा दिदैँ आएको खनालले बताउनुभयो ।साँखु, पटाप, चाँपकोबोट, नाङ्गलेभारे, सलम्बुटार लगाएतका क्षेत्रको नौ वटा विद्यालयलाई सचेतना अपराध र हिंसा विरुद्धको सचेतना कार्यक्रम संचालन गर्दै आइरहेको तथा अन्य थुप्रै विद्यालयमा कार्यक्रम संचालन गर्ने लक्ष्य रहेको उहाँले जानकारी दिनुभयो ।

शंखरापुर नगरपालिकाभित्रका मात्रै एभरग्रिन मावि, शारदा मावि, कालिकाशरण मावि लगाएतका विद्यालयका गरि ६ सय ५० भन्दा बढी विद्यार्थीलाई बढ्दो बालयौन दुव्र्यवहार, साइबर अपराध, लागुऔषध दुव्र्यसन, मानव बेचविखनलगायतका हिंसाबाट बच्ने उपायबारे शिक्षा दिएको हो ।

 यसरी सचेतना सम्बन्धीको कक्षाहरु सञ्चालन गर्दा बालबालिकाले आफूले जानेका कुराहरु साथीभाई तथा घर परिवारमा समेत शेयर गर्ने हुदाँ हिंसा न्यूनिकरणमा सहयोग पुगी सभ्य र हिंसारहित समाज निर्माण गर्न सहयोग पुग्ने महानगरीय प्रहरी वृत बौद्धका प्रहरी नायव उपरिक्षक नरेन्द्र चन्दले बताउनुभयो । प्राय ः माध्यामिक तहमा अध्ययनरत विद्यार्थीहरु सानै उमेरबाटै कुलत तथा विभिन्नि किसिमका लागुऔषदकोे दुव्र्यसनीमा फस्ने गरेको प्रहरीको तथ्याङ्कमा छ ।

लागुऔषदकोे दुव्र्यसनीकै शिर्षकमा पक्राउ पर्नेमा १२ देखि २३ उमेर समुहका बालबालिका र युवाकोे संख्या धेरै रहेककाले पनि सचेतना कार्यक्रम विद्यालयमा केन्द्रित गरिएको चन्दले बताउनुभयो ।प्रहरीले विद्यालय स्तरबाटै गरेको यस्ता विभिन्न शिक्षा तथा जानकारीमूलक कार्यक्रमले समाजमा अपराध र हिंसा नियन्त्रण भई सभ्य र समद्ध समाज बन्न सहयोग पुग्ने शंखरापुर नगरपालिका समाजसेवी पुरुसोत्तम चौंलागाईले बताउनुभयो ।

Comments

comments

सम्बन्धित पोस्टहरू

Leave a Comment