पर्यटन मन्त्रालयलाई समयमै काम सम्पन्न गर्न विकास समितिको निर्देशन

पोखरा । गण्डकी प्रदेशको अर्थ तथा विकास समितिले मन्त्रालयका कार्यक्रम, योजना तथा वजेट समयमै कार्यान्यन गर्न निर्देशन दिएको छ ।

मंगलवार समितिका सभापति दिपक कोईरालाको अध्यक्षतामा भएको उद्योग, पर्यटन, वन तथा वातावरणमन्त्री विकास लम्साल तथा मन्त्रालयका उपसचिवसँगको छलफल कार्यक्रममा समितिले सो निर्देशन दिएको हो ।

कार्यक्रममा समितीका सदस्यहरुले सन २०२२ मा २० लाख पर्यटक भित्र्याउने गण्डकी प्रदेशको योजना अनुरुप पूर्वाधार विकासका लागि लागि पर्न सुझाव दिएका छन् । साथै गण्डकी प्रदेश आफैमा पर्यटनको राजधानी भएकोले पनि यहाँ पर्यटन प्रवर्धनको लागि होमस्टेलाई प्रवद्र्धनात्मक ढंगले लैजानुपर्नेमा जोड दिए ।

कार्यक्रममा पर्यटनमन्त्री विकास लम्सालले मन्त्रालयको चालु आर्थिक वर्षको कार्यप्रगति विवरण प्रस्तुत गर्दै समितीको सुझावलाई आत्मसात गरेर काम गर्ने प्रतिवद्धता जनाए । उनले पोखरालाई पर्यटकको राजधानी घोषणा गर्ने अन्तिम तयारी भएको जानकारी गराए ।

मन्त्री लम्सालले प्रदेशभित्र रहेका तीन सय गाउँलाई नमुना पर्यटकिय गाउँ बनाउने नीति कार्यान्वयनका लागि घरवास कार्यविधी तयार पारि स्वीकृतिका लागि मुख्यमन्त्री तथा मन्त्रीपरिषदको कार्यालयमा पेश गरिएको बताए ।

मन्त्रालयले प्रदेश वातावरण तथा जलवायु परिवर्तनसम्वन्धी तथा वन तथा जलाधार सम्वन्धी व्यवस्थपन नीति तर्जुमा गरेको साथै एक निर्वाचन क्षेत्र एक औद्योगिक ग्रामको स्थापनाका लागि कार्यविधि तयार गरेको उनको भनाई छ ।

पर्यटनमन्त्री लम्सालले प्रदेशभित्रका पर्यटकिय स्थलका डिजिटल लोकेशन सहितको प्रोफाईल तथा उद्योग पर्यटन, वन तथा वातावरण क्षेत्रहरुको वस्तुस्थिति झल्कने स्टाटस पेपरको मस्यौदा साथै प्रदेश सरकारको पन्चवर्षीय योजनाका लागि मन्त्रालयको आवधिक पत्र तयार भएको जानकारी दिए ।

Comments

comments

सम्बन्धित पोस्टहरू

Leave a Comment