१५ औँ लेखनाथ महोत्सव पौषको पहिलो सातादेखि  

पोखरा / १५ औँ लेखनाथ महोत्सव पौषको पहिलो सातादेखि सुरु हुने भएको छ । “महोत्सव लेखनाथको संस्कृित, स्थानिय उत्पादन, विकास र सम्वृद्धि” भन्ने मुल नाराका साथ आयोजित महोत्सव आगामी पौष ५ गतेदेखि १६ गते सम्म संचालन हुने बुधवार आयोजित पत्रकार सम्मेलनमा जानकारी गराईएको छ ।

लेखनाथ उद्योग वाणिज्य संघ र नेपाल उद्योग वाणिज्य महासंघको संयुक्त आयोजनामा सञ्चालन हुने महोत्सवले औद्योगिक उत्पादन तथा हस्तकलाका वस्तुहरुको बजार प्रवद्र्धन, स्थानिय उत्पादन एवं उद्यमशिलता प्रविधि हस्तान्तरण, जातिय भेषभुषा, कला संस्कृति, रितिरिवाज जर्गेनामा टेवा पु¥याउने साथै आन्तरिक एवं वाह्य पर्यटक प्रवद्धन गर्ने प्रचारप्रसार उपसमितिका संयोजक गोपिचन्द्र  बास्तोलाले जानकारी दिए ।

महोत्सवको मुख्य आकर्षणमा खुल्ला कविता वाचन, नृत्य तथा गायन, रत्यौली गित प्रतियोगिता तथा झाँकी तथा भेषभुषा प्रदर्शनी, शैक्षिक प्रदर्शनी, सुचना प्रविधि प्रर्दशनी, बाल उद्यान, लाइभ म्युजिक कन्सर्ट साथै स्थानिय तथा राष्ट्रिय कलाकारहरुको दैनिक प्रस्तुती रहने पत्रकार सम्मेलनमा जानकारी दिईएको छ ।

महोत्सव सम्पन्न गर्न ९० लाख खर्च लाग्ने आयोजकको अनुमान छ भने महोत्सवबाट एक करोड २५ लाख आम्दानी गर्ने आयोजकको लक्ष्य छ । बचत रकम कृषि उपज खरिद विक्रि केन्द्रको निर्माण र प्रदर्शनी स्थलको स्तरोन्नती, शिक्षा, स्वास्थ्य, कृषि र पर्यटन लगायतका सामाजिक कार्यमा खर्च गर्ने प्रचारप्रसार उपसमितिका संयोजक बास्तोलाले जानकारी दिए ।

महोत्सवमा झण्डै ३ लाख दर्शकको सहभागिता रहने आयोजकको अनुमान छ । महोत्सवमा करिव तिन सय ५० स्टल रहने आयोजकले जनाएको छ ।

Comments

comments

सम्बन्धित पोस्टहरू

Leave a Comment