जहाँ माया त्यहि हुन्छ झलल…गीतबाटै मायालुको बखान (भिडियोसहित)

पोखरा । तिज भनेको बिशेष गरी महिलाहरुको पर्व भन्ने बुझिन्छ । तर हिजो आज समयको परिवर्तनसँगै पुरुष कलाकारहरुले पनि तिज गीत गाउन थालेका छन् ।

गत वर्ष साँझमा भेट्न आम्ला बरिलै, काँकरी पहेँलै जस्ता गीतमा आवाज भरेकी दुर्गा क्षेत्रीले यस वर्ष पनि तिज गीतलाई निरन्तरता दिदैँ रातो सारी सितारा टलल तिज गित बजारमा ल्याएकी छन् । यसपटकको तिजमा सबैलाई नचाउने उद्देश्यले यो गीत निकालिएको उनी बताउँछिन् ।

दुर्गा क्षेत्री र सञ्चारकर्मी समेत रहेका नारायण भट्टराईको आवाजमा रहेको गीतमा प्रत्यक्ष प्रतियोगी दोहोरीका बादशाह राजु के.सी.को शव्द सिर्जना छ भने चर्चित सर्जक टेक नारायण चापागाई टि.एन.सी.को लय सृजना रहेको छ ।


रातो सारी सितारा टललल…
जहाँ तिमी त्यहि हुन्छ झलल…..


आफ्नो मायालुलाई वर्णन गरिएको गीत सुन्ने स्रोताबाट राम्रो प्रतिक्रिया पाइरहेको गायक भट्टराई बताउँछन् । गत वर्ष फेसबुकमा स्टाटस लेखी बुढिले गीत पनि स्रोता दर्शकले मन पराउनु भएको थियो , यस वर्ष पनि यो गीतले त्यस्तै चर्चा कमाउने उनको विश्वास छ । चर्चित सर्जक एवम एरेन्जर तारानाथ आचार्यको सँगीत संयोजन रहेको गीतलाई थ्री स्टार मिडिया बाट डिजिटल बजारमा सार्वजनिक गरिएको छ ।

Comments

comments

सम्बन्धित पोस्टहरू

Leave a Comment