वाम गठवन्धन परित्याग गरि कांग्रेसमा प्रवेश,चुनावको बेलामा मात्रै साईनो जोड्नेलाई भोट नदिनुस् : कृष्ण केसी

लोकतन्त्रको रक्षा र कांग्रेसका उम्मेदवारहरुलाई जिताउन उनीहरु वामगठबन्धन छोडेर कांग्रेसमा प्रवेश गरेको समरबहादुर परियारले बताए । यसरी पार्टी प्रवेश गर्नेहरुमा समरबहादुर परियार, नौ बहादुर परियार, सुर्य परियार, तिल बहादुर परियार,मंगल परियार, मौतासि परियार, बलराम परियार,पुर्ण गुरुङ,बेल परियार,रुपेश गुरुङ, सुक बहादुर परियार,सुजन पाण्डे र टेक बहादुर गुरुङ रहेका छन् । कार्यक्रममा माओवादी केन्द्रका जुधारु युवा नेता सम्मरवहादुर परियारको नेतृत्वमा उल्लेख्य संख्यामा विभिन्न पार्टि परित्याग गरि काँग्रेस प्रवेश गरेकाहरुलाई उम्मेदवार के.सी ले टिका तथा माला लगाएर स्वागत गरेका थिए ।

यसैविच नेपाली कांग्रेस कास्की १(२) को चुनावी कार्यक्रम अन्तर्गत मादी ६ तप्राङ मा मा चुनावी कार्यक्रम सम्पन्न भएको छ ।  सभालाई सम्बोधन गर्दै कास्की १(२) प्रदेश सभा सदस्यका उम्मेदवार काँग्रेस कास्कीका सभापति कृष्णबहादुर के.सी ले कोणसभालाई सम्बोधन गर्दै भने मेरो पारिवारिक जीवनभन्दा ठुलो मेरो लागि जनता हुन् । म जनताको सुख दुःख र विकासमासँगै छु । म केवुलकार, रेल चलाउने जस्ता ठुला कुरा गर्दिन । मेरा गाउँका समस्या के छन मलाई थाहा छ । ति आधारभुत आवश्यकता पुरा गर्ने विकास कार्य गर्नेछु । दुख पर्दा आउनुस म सहयोग गछु तपाइ कुन पाटीमा भोट हाल्नुभो भनेर कहिल्यै सोधिन र सोध्नेछैन । ’’

उनले थपे-तमाम समस्याका कारण खाली गाउँ छन् । जग्गा बाझा छन् । ति समस्या हल गर्ने आफ्नो प्राथमिकतामा, पिच वाटो, विजयपुर खोलामा पुल पहिलो एजेण्डा छन् ।” उनले गुणAस्तरिय शिक्षाको विकास, विशेषज्ञ डाक्टरसहितको स्वास्थ्य सेवा, होमस्टेको विकास अन्य प्रमुख प्राथमिकताका साथ रहेको बताए । उक्त एजेण्डा पुरा गर्न यस पटकको भोट रुखमा लगाई विजय गराएमा जनताले दिएको अभिभाराको भारी बोक्ने बताए ।

प्रदेश सभा उम्मेदवार केसीले चुनावको बेलामा मात्रै आफ्नो हुनआउनेहरुलाई विश्वास नगर्न मतदाताहरुसँग आग्रह गरे । ‘म यहाँको जनजीवनमा घुलेको छु र यहाँको माटोसँग म सँधै परिचित छु । म उम्मेदवार हुँदा पनि यहिँको थिएँ र भएपछि पनि यहिँकै हुनेछु । यहि ठाऊँको विकासको लागि काम गर्नेछु ।’ केसीले भने–‘जनताले चुनावको बेलामा मात्रै कुटुम्बेरी साईनो गाँस्न आउनेहरुलाई चिन्नुपर्छ । र, सँधै साथ दिनेलाई चुन्नुपर्छ ।’

केसीले आफू हुर्किएको र जन्मिएको माटोलाई साक्षी राख्दै आफ्नो क्षेत्रको विकासको लागि जस्तोसुकै कदम पनि चाल्न पछि नपर्ने बताए । उनले काँग्रेसको पक्षमा भोट दिएर आफू र आफूसँगै उम्मेदवारी दिएका काँग्रेसका अन्य उम्मेदवारलाई पनि जिताउन मतदाताहरु समक्षआग्रह गरे ।

त्यस्तै समानुपातिकउम्मेदवार रसकुमारी गुरुङले जनतालाई झुक्याउने नियतले अन्यथुप्रै दलकामानिसहरु मतमाग्नआएको बताउँदै जनतालाई नझुक्किनआग्रह गरिन् । उनले विभिन्न किसिमको सपना बाँडिरहेकाहरु भोलीको दिनमाआफू आफूमै भताभुङ्ग हुने निश्चित रहेको बताउँदै भर नभएकाहरुलाई भोट दिएर गल्ती गर्न नहुने सुझाव दिईन् ।

समानुपातिक उम्मेदवार रसकुमारी गुरुङ सहित सिल्दुजुरे पुगेको केसीको टोली थाक, तप्राङ र पानीघाटमा चुनावी सभामा सहभागी भएको थियो ।

चुनावी सभामा काँग्रेसका जिल्ला सदस्य नविन सिग्देल, नेपाली काँग्रेस मादी गाउँपालिका सँयोजक देवीजंग गुरुङ, तरुण दल मादी गाउँपालिका सँयोजक विशाल गुरुङ, स्थानिय नेताहरु भीमकाजी गुरुङ, देव गुरुङ लगाएतले बोलेका थिए ।

त्यस्तै प्रतिनीधि सभा उम्मेदवार यज्ञबहादुर थापा र प्रदेश क तर्फका उम्मेदवार जीवन परियार पनि पार्टीको सेड्युल अनुसार आफ्नो क्षेत्रको प्रचारलाई तिव्रता दिईरहेका छन् । विभिन्न ठाऊँमा चुनावी सभा, घरदैलो गर्दै उनीहरुले नेपाली काँग्रेसको पक्षमा भोट मागिरहेका छन् ।

Comments

comments

सम्बन्धित पोस्टहरू

Leave a Comment