पोखरा जेसीजमा शिव सुवेदी

अनिल श्रेष्ठ/पोखरा । सामाजिक तथा विविध कार्यमा संलग्न रहदै आएको पोखरा जेसीजको ३८ औं शाखा अधिवेशन तथा ४३ औं बार्षिक साधारण सभा भव्य समारोहको बिच सम्पन्न भएको छ । मंसिर २ गते पोखरा लेखनाथ महानगरपालिकाको, रानीपौवा स्थित रन्जित ईभेन्ट सेन्टरमा सम्पन्न उक्त समारोहमा अध्यक्ष पदका बलिया प्रतिद्धन्दि जेसी शालिकराम गिरीलाई पछि पार्दै जेसी शिव सुवेदी निर्वाचित भएका हुन ।

मंसिर २ गते राति १ बजे भएको निर्वाचनमा “फरक अनुभुतिका लागि परिवर्तन स्विकारौँ” भन्ने मुल उद्घोषका साथ उम्मेदवारी दिएका सुवेदीले नतिजा आफ्नो पोल्टामा पार्दै गिरी माथी जित दर्ता गरेका हुन । पुर्व अध्यक्षको कार्यकाल सकिएको र नयाँ नेतृत्वका लागि पद परिपुर्ति गर्ने निर्णय सर्वसहमतिमा टुङ्गीन नसकेपछि निर्वाचन गर्ने निर्णय तय भएको थियो । निर्वाचनमा पोखरा जेसीजको कुल सदस्य संख्या १०३ भएपनि मतदानस्थलमा भने मतदाताको संख्या ९२ थियो । निर्वाचनको निकै बलियो प्रतिस्पर्धामा कुल खसेको ९२ मत मध्ये ७८ औँ मत गनिरहँदा जेसी शालिकराम गिरीको अग्रता कायमै रहेपनि सम्पुर्ण मत गनिसक्दा भने नतिजाले कोल्टे फेरेपछि २ मतको अग्रतामा जेसी शिव सुवेदी निर्वाचित भएका थिए । कुल ९२ मत मध्ये सुवेदीको पक्षमा ४७ मत खसेको थियो भने बिपक्षी उम्मेदवार गिरीको पोल्टामा ४५ मत परेको थियो । यसै गरि संगै भएको संस्थाको कार्यकारी उपाध्यक्ष पद परिपुर्तिको लागि प्रतिस्पर्धामा उत्रिएका जेसी द्धय देवराज शर्मा र मोहन प्रसाद अधिकारी बिच भने १० मतको अग्रता कायम गर्दै देवराज शर्मा निर्वाचित भएका थिए ।

पोखरा जेसीजको निवर्तमान अध्यक्ष जेसी शिव प्रसाद कोईराला तथा नव निर्वाचित अध्यक्ष शिव सुवेदीको नेतृत्वमा वर्ष १८ को लागि नयाँ कार्यसमिति पनि चयन भएको छ । जसमा अध्यक्ष सल्लाहकारमा जेसी शालिक राम गिरी, कानुनी सल्लाहकारको लागि जेसी शिव सापकोटा, कार्यकारिणि उपाध्यक्षमा जेसी देवराज शर्मा, महासचिवमा जेसी गणेश गिरी, कोषाध्यक्षमा जेसी छवि पनेरु, सचिवमा जेसी शक्ति बढुवाल, उपाध्यक्षहरु जेसी अन्जनदेव ढकाल, जेसी शिव के.सि., जेसी सन्देश पराजुली, जेसी धननाथ सापकोटा, शाखा सम्पादकमा जेसी कुशल पौडेल, निर्देशकहरु जेसी शंकर कँडेल, जेसी सन्तोष ओझा, जेसी सन्तोष रानाभाट, जेसी सुरेन्द्र बाँस्तोला, बृद्धि सभापतिमा जेसी अनन्त प्रधानाङ्न, तालिम आयुक्तमा जेसी प्रकाश घिमिरे र शुक्रबार सरिय प्रवचनमा जेसी शिवराम अधिकारी चयन भएका हुन् । नव निर्वाचित अध्यक्ष सुवेदी युनाईटेड ईन्स्योरेन्सका पोखरा ब्रान्च म्यानेजर तथा मोटु पात्लु वेवी कलेक्सनका प्रोपाईटर हुन भने उपविजेता गिरी गण्डकी विकास बैँकको आई. टि. हेड हुन ।

Comments

comments

सम्बन्धित पोस्टहरू

Leave a Comment