सामाजिक रुपान्तरणका लागि कम्युनिष्ट सरकार आवश्यक-अधिकारी

पोखरा । वाम गठवन्धनका तर्फवाट कास्की क्षेत्र नं १ का प्रतिनिधि सभा सदस्यका उम्मेदवार खगराज अधिकारीले सामाजिक र आर्थिक रुपान्तरणका लागि नेपालमा कम्युनिष्ट सरकारको विकल्प नरहेको वताएका छन् । युवा संघ नेपाल र वाईसियल नेपाल क्षेत्र नं १ कास्कीको शुक्रवार लेखनाथमा भएको संयुक्त भेलालाई सम्वोधन गर्दै नेकपा एमाले सल्लाहाकार परिषदका उपाध्यक्ष समेत रहेका नेता अधिकारीले युवा स्वरोजगार, सामाजिक सुरक्षा भत्ता, आफ्नो गाउँ आँफै वनाउ अभियान र उज्यालो नेपाल जस्ता कार्यक्रम लागु गर्न नेपालमा कम्युनिष्ट सरकारको विकल्प नरहेको बताए ।

उनले तालहरुको संरक्षण र व्यवस्थित बस्ती विकास र वेरोजगारीको अन्त्य यस क्षेत्रको पहिलो आवश्यकता भएको बताए । आाफूसँग भएका राम्रा योजना कार्यान्वयनका लागी पैसाको अभाव नहुने भन्दै उनले यस क्षेत्रमा लगानीकर्ताको सम्मेलन गरेर ठूला ठुला लगानी गर्न सकिने विश्वास व्यक्त गरे ।

उनले वाम गठवन्धन कसै प्रति लक्षित नभएर नेपालको गरीवी, अशिक्षा र वेरोजगारीको विरुद्ध भएको बताए । माओवादी केन्द्र र एमाले दुवैले एक अर्कालाई सावधानी पुर्वक भोट माग्नुपर्नेमा जोड दिए । जनताको लगानी जनता माझ पु¥याउन पनि वामपन्थीहरुको सरकार आवश्यक रहेको उनको भनाई थियो ।

अब युवाहरु युद्धको मैदानमा ओर्लिसकेको र यो अभियान निर्वाचन सप्पन्न नभैजेन्ल सम्म नरोकिने र यो बामगठबन्धन कसैको विरुद्धमा नभई देश निर्माणको महाअभियान रहेको खगराजले बताए । युद्धका सिपाही वनेका कम्युनिष्ट पार्टीका सदस्यहरु आफ्नो पद र प्रतिष्ठाका लागि नलड्ने भन्दै उनले युवाहरु नै नयाँ युगको संवाहक भएको स्पष्ट पारे । उनले वाई सियल र युवासंघ नेपाललाई एकतावद्ध भएर अगाडी वढ्न निर्देशन दिए ।

कास्की क्षेत्र नं १ को प्रदेश नं एकका उममेदवार दिपक कोईरालाले दिगो विकास निर्माण वाम गठवन्धनवाट निर्माण हुने सरकारवाट मात्र संभव भएको भन्दै यसका लागि वामगठवन्धनका उम्मेदवारलाई जिताउन आग्रह गरे । कांग्रेसलाई २०४८ सालमा वहुमत दिंदा आफ्नै सरकार ढालेको स्मरण गर्दै उनले फेरी पनी कांग्रेसले वहुमत पाए मुलुकमा अस्थिरता निम्त्याउने दावी गरे । स्थिर राजनीति र स्थिर सरकार निर्माण वामपन्थी वाहेक अन्यले गर्न नसक्ने उनको भनाई थियो ।

समानूपातीक तर्फकी उम्मेदवार गायत्री गुरुङले समृद्ध राष्ट्र निर्माण गर्ने लक्षका साथ अघि वढेको वाम तालमेलका उम्मेदवारलाई विजयी गराउन लाई कसैले पनि रोक्न नसक्ने वताईन् ।

युवासंघ कास्कीका अध्यक्ष विष्णु पुनले निर्वाचनमा एक भएर वाम गठवन्धनका उम्मेदवारलाई जिताउन सम्पुर्ण युवाहरु लागी पर्ने बताए । वाईसियल कास्कीका अध्यक्ष राम थापाले वाईसियल र युवासंघले एक अर्काका निर्देशन पालना गर्दै वर्ग वैरीका विरुद्ध एक भएर साम्यवादसम्म पुग्ने यात्रालाई सहज वनाउदै अघि बढ्ने बताए । भेलाले रामचन्द्र तिमिल्सिनाको संयोजकत्वमा २ हजार १ सय १ चुनाव परिचालन कमिटि समेत बनाएको छ ।

युवा संघ कास्की क्षेत्र नं १ का क्षेत्रिय अध्यक्ष रामचन्द्र तिमिल्सिनाको अध्यक्षतामा भएको कार्यक्रममा युवा संघका क्षेत्रीय अध्यक्ष अनिल परियारले स्वागत गरेका थिए भने कार्यक्रमको संचालन रविन्द्र अधिकारीले गरेको युवा परिचालन कास्कीका सम््ंयोजक पानबहादुर जिसीले जानकारी दिए ।

Comments

comments

सम्बन्धित पोस्टहरू

Leave a Comment