दुई फरक दुर्घटनाः १६ जनाको ज्यान गयो, १२ घाईते

गुल्मी । देशका विभिन्न दुई फरक स्थानमा भएको बस दुर्घटनामा १६ जनाले ज्यान गुमाएका छन् भने १२ जना घाईते भएका छन् । गुल्मीमा भएको माइक्रो बस दुर्घटनामा सात जनाको मृत्यु भएको छ । वुटवलबाट गुल्मीको सदरमुकाम तम्घासका लागि छुटेको बा ४ ख ५५०१ नम्बरको माईक्रो गुल्मीदरबार गाउँपालिका ४ बिरवासमा दुर्घटना हुँदा ७ जनाको मृत्यु भएको हो । दुर्घटनामा १० जना घाइते भएका छन् । गाडी भीरमा खसेको कारण अझै पनि घाइतेहरुको पूरा विवरण आउन नसकेको जिल्ला प्रहरी कार्यालय गुल्मीका इन्सपेक्टर डाक्टर प्रसाद चौधरीले जानकारी दिए ।

मृत्यु हुनेहरुको सनाखत हुन नसकेको बताइएको छ । गाडी करिब ४ सय मिटर तल खसको छ । इन्सपेक्टर चौधरीले अहिले ७ जनाको शव सदरमुकाम तर्फ लिएर जाँदै गरिएको र सात जना घाइतेलाई उपचारको लागि पाल्पा लगिएको जानकारी दिए ।

घाइते मध्ये ५ जनाको अवस्था गम्भीर रहेको छ । घाइते हुनेहरुमा गुल्मी खानीगाँउ निवासी १० बर्षीय रविना दर्लामी, गुल्मी मुसिकोट नगरपालिका निवासी प्रताप केसी, अर्घाखाँचीका अर्घातोषका बिष्णु भुषाल, गुल्मी चारपालाका नकुल कार्की तथा घमिर निवासी उमा अधिकारीको मात्र पहिचान भएको छ ।

बुटवलबाट तम्घासका लागि छुटेको माइक्रो र तम्घासबाट रीडि तर्फ जाँदै गरेको लु १ च ४५२२ नम्बर नेपाल टेलिकमको गाडी एक आपसमा ठोक्किएको र गाडी अनियन्त्रित भइ भीरमा खसेर दुर्घटना भएको चौधरीले जानकारी दिए ।

यस्तै उदयपुरमा जीप दुर्घटना हुँदा ९ जनाको मृत्यु भएको छ भने २ जना घाइते छन् । कटारीबाट ओखलढुंगाका लागि छुटेको ना १ ज ३४०४ नम्बरको सुमो उदयपुरको ठाँटी भन्ने स्थानमा रहेको भीरबाट ३ सय मिटर तल खस्दा दुर्घटना भएको जिल्ला प्रहरी कार्यालय, उदयपुरले जनाएको छ । घाइते हुनेमा चालकसहित एक जना महिला र बालक छन् । मृत्यु हुनेहरुको सनाखत भइसकेको छैन ।

Photo:Annapurna Post

Comments

comments

सम्बन्धित पोस्टहरू

Leave a Comment