फेसबुकको नक्कली आईडी बनाउँदै ठग्नेको विगविगी

सुरज श्रेष्ठ/पोखरा । पोखरा फुलबारीका नेहा गुरुङले आफ्नो साथी शान्ति गुरुङले फेसबुकमा रिक्वेस्ट पठाएपछि आफुले सहजै त्यसलाई स्वीकार गरिन् । स्वीकार पनि किन नगरुन्, फेसबुक अहिले सबैको सुख, दुःख बाड्ने, साथी संगीको हालचाल सजिलै बुझ्न सकिने माध्यम जो भएको छ ।

फेसबुकले अहिले मान्छेलाई धेरै कुरामा सहज बनाएको छ । तर यसकै कारणले धेरै ठुल ठुला घटना पनि नघटेका होईनन् । दैनिकजसो फेसबुकमा नक्कली आइडी बनाएर ठग्ने र ठगिने समाचार आइरहदा र कारवाही भई रहँदा न ठग्ने कम भएको छ न त ठगिने नै ।

यस्तो चुङगुलमा अहिले मान्छेहरु परेर घरवार नै बिग्रिएका घटना पनि छन् । केहि दिन अघि पोखरा फुलबारीका नेहा गुरुङ पनि ठगीएकी छिन् । फेसबुक नक्कली अकाउन्ट बनाई बर्षो देखि चिन जान भएको जस्तो साथीलाई मेसेजमा खाना खाइस्, के गर्दे छस् , भन्ने जस्ता मेसेज पठाउने अनि रिप्लाई आएपछि सहयोगको माग्ने गर्दो रहेछ ।

त कहाँ छस् ? फुर्सद हो भने म अलि बाहिर छु इर्मजेन्सी प¥यो ६ हजार आईएमइ गर्दे त भनेपछि फुलबारीकी नेहाले आफ्नो साथी शान्ति गुरुङ नै ठानी आईएमइ मार्फत उनले भनेअनुसार नै ६ हजार पठाईदिईन् ।

पैसा पठाएको केहि समयमा नै उनी कुरा गरिरहेकी शान्ति गुरुङ नामका फेसबुकमा आफुले मेसेज गर्दा मेसेज नगए पछि बुझ्दै जादाँ आफु ठगिएको थाहा पाईन् ।

फेसबुकमा शान्ति गुरुङको नक्कली अकाउन्टबाट उनका अर्को साथी पनि ठगिएकी रहेछिन् । उनीलाई भने नेहासँग जस्तो पैसाको सहयोग होईन की इर्मजेन्सी प¥यो भन्दै ४ हजारको रिचार्ज कार्ड ठगी गरेका रहेछन् ।

यसरी एक दुई गर्दे आफ्नो श्रीमतीको नक्कली फेसबुक अकाउन्ट बनाउदै ठगिनेहरु बाहिर आएपछि प्रशासनमा उजुरीको लागि शान्ति गुरुङका श्रीमान मनोज गुरुङले रिपोर्ट गराएको सिटीपोखरा डट कमलाई जानकारी दिए । कसलाई कति ठगि गरेको छ भन्ने एकिन हुन नसके पनि धेरैलाई यसरी नै ठगि गरेको हुन सक्ने अनुमान गरिएको छ । पैसा पठाएको नामलाई आधार मान्ने हो काठमाडौ बस्ने प्रविण श्रेष्ठ भएको प्रारम्भिक अनुसन्धान बाट थाहा हुन आएको छ ।

साइबर क्राइमको अनुसन्धान काठमाडौ बाट हेर्ने हुनाले यहाँ अलि समस्या र झन्झटिलो हुने रहेछ भन्छन् शान्ति गुरुङका श्रीमान मनोज गुरुङ । यस्तो समस्या भए पछि मनोज गुरुङले सोसल मिडिया आफ्नै फेसबुकबाट शान्ति गुरुङको नामबाट नक्कली अकाउन्ट बनाएर ठग्नेहरुदेखि तपाईहरु पनि होशियार हुनु होला कतै तपाईको नामबाट पनि यसरी नै नक्कली अकाउन्ट बनाएर ठग्न सक्छन् भनेर सबैलाई सचेत गराएका छन् ।

Comments

comments

सम्बन्धित पोस्टहरू

Leave a Comment