सामाजिक जागरणद्धारा विद्यार्थीलाई न्यानो कपडा वितरण

पोखरा । सामाजिक जागरणका लागि नारी अभियानले कास्कीको पुम्दी भुम्दीको चण्डी प्राविका विद्यार्थीलाई न्यानो कपडा वितरण गरेको छ ।

अभियानका सदस्य अम्विका ढकालको जन्मदिनको अवसर पारेर फजुल खर्चे रकम कटौती गर्दै ढकालले सुइटर, मोजा र टोपी वितरण गरेकी हुन् । उनले जन्मदिनको अवसरमा पुण्य काम गर्न पाएकामा खुसी व्यक्त गरिन् । जीवन सुरक्षा तथा सामाजिक विकासकी जिल्ला संयोजक समेत रहेकी अम्विकाले जीवन सुरक्षाको सहकार्यमा कपडा वितरण गरेकी हुन् ।

कार्यक्रमका प्रमुख अतिथि जिल्ला शिक्षा अधिकारी नरेन्द्रराज पौडेलले कार्यक्रमको उद्घाटन गर्दै सरकारले गर्ने काम संस्थाले गरेकोमा खुसी व्यक्त गरे । उनले जन्मदिनको अवसरमा यस्तो कार्य गर्नु समाजलाई प्रेरणा दिएको वताए । विद्यालयमा पुग्ने पहिलो जिल्ला शिक्षा अधिकारी पौडेल भएकाले विद्यालयले भव्य स्वागत गरेको थियो ।

कार्यक्रममा सामाजिक जागरणका अध्यक्ष सुष्मा पौडेलले अन्य सदस्यलाई पनि यस कार्यले प्रेरणा दिएको भन्दै विद्यार्थीहरुको शैक्षिक उन्नयनको कामना गरिन् ।

त्यस्तै श्रोत व्यक्ति टोलप्रसाद अर्यालले कास्की महानगर भएर पनि विकट स्थानमा पुगेर सहयोग गरेकोमा धन्यवाद ज्ञापन गरे ।

विद्यालय व्यवस्थापन समितिका सदस्य शान्ति गुरुङको अध्यक्षतामा सम्पन्न कार्यक्रममा अभियानका सदस्य रेणु थापा, उषा गोशेली, गिता वराल, शिक्षिका धनमाया शर्मा लगायतले वोलेका थिए भने कार्यक्रमको संचालन प्रअ चुडामणि बरालले गरेका थिए ।

Comments

comments

सम्बन्धित पोस्टहरू

Leave a Comment