विश्व मुटुरोग दिवसका अवसरमा प्रशिक्षण

पोखरा ।नेपाल हृदय रोग निवारण संघ कास्की शाखा र नवप्रभावत स्काउट ओपन क्रियुको संयुक्त आयोजनामा क्रियुका ३० जना रोवर–रेन्जरलाई विश्व मुटुरोग दिवस सेप्टेम्वर २९ को पूर्वसन्ध्यामा मुटु रोग प्रशिक्षण कार्यक्रम सम्पन्न भएको छ । ‘स्वास्थ जीवन शैलिका अनुभव बाँडौं’ भन्ने नाराका साथ यस बर्षको विश्व मुटुरोग दिवस मनाइदैछ ।

आहार–व्याहारसम्बन्धी, शारीरिक व्यायम र स्वस्थ क्रियाकलापका राम्रा अनुभव हरू एक आपसमा बाँड्नको लागि यस बर्षको नारा तय गरिएको हो । असोज ७, ८ र ९ गते पोखरा लेखनाथ महानगरपालिका वडा नं. ३१ बेगनासको आनन्दज्योति माध्यमिक विद्यालयको प्राङ्गणमा आयोजित प्रशिक्षण क्याम्पका अवसरमा सहभागीहरूलाई  मुटुरोगको साथै नेतृत्वसिप तथा स्काउट सम्बन्धी विभिन्न विषयमा प्रशिक्षण आयोजना गरिएको हो । सो अवसरमा नेपाल हृदयरोग प्रतिस्ठानका केन्द्रीय सदस्य सूर्यप्रसाद ढकालले विश्व मुटुरोग दिवसको आवश्यकता र महत्व, बच्चाहरूलाई लाग्ने टन्सिल र यसका कारणबाट हुने बाथज्वरो र बाथमुुटुरोग, विभिन्न अन्य मुटुरोगका बारेमा प्रशिक्षण दिएका थिए ।

उक्त प्रशिक्षण कार्यक्रम नेपाल स्काउट कास्कीका संगठन आयुक्त एवम् क्यान चिफ सागर पौडेलको अध्यक्षतामा भएको समापन कार्यक्रम कार्यक्रमका प्रमुख अतिथि आनन्दज्योति माविका विद्यालय व्यवस्थापन समितिका अध्यक्ष गोकर्ण तिवारी, प्रशिक्षक तथा नेपाल हृदय रोग प्रतिष्ठानका केन्द्रीय सदस्य सूर्यप्रसाद ढकाल, नेपाल रेडक्रस कास्की शाखाका पूर्व सदस्य एवम् वेगनास उपशाखाका सभापति रुद्रनाथ अधिकारी, विद्यालयका सहायक प्रधानाध्यापक शिवराज अधिकारी लगायतले बोलेका थिए भने कार्यक्रमको संचालन स्काउट मास्टर सुस्मिता श्रेष्ठले गरेकी थिइन् । विश्व मुटुरोगको पूर्वसन्ध्यामा असोज ४ गते महेन्द्र मा वि, नयाँबजारमा समेत प्रशिक्षण आयोजना गरिएको थियो ।

Comments

comments

सम्बन्धित पोस्टहरू

Leave a Comment