साउन १४, कास्की,
नेपाली काँग्रेसको १४औं महाअधिवेशन अन्योलको स्थितीमा छ, तैपनि नेताहरुबीच नेतृत्वमा आउने प्रतिस्पर्धा भने देशैभर सुरु भएको छ । यहि समयमा पोखरा महानगरपालिका वडा नं. ३२ सभापतिमा मोहन कुमार प्रधानंले उम्मेदवारी दिने घोषणा गर्नुभएको छ ।
२०४६ सालको जनआन्दोलन बाट प्रभावित भई नेपाली कांग्रेसमा आबद्ध भई २०४८मा संसदीय उमेदवार अत्यधिक मतले बिजय गराउन सकृय भुमिका खेलेको बताउदै वडा सभापतिमा आफु सक्षम रहेको प्रधानले दावि गर्नुभएको छ ।
उहाँले २०६२ र ६३ जनआन्दोलनमा नेपालि कांग्रेसको वडा देखि जिल्ला र केन्द्र सम्म जनआन्दोलनमा सहभागीभई जेलनेल परेको र आफुले पार्टीमा धेरै त्याग गरेकोले अहिले वडा सभापतिमा उम्मेदवारी दिने निर्णय गरेको बताउनुभयो । आफुलाई वडा सभापतिमा साथीभाईले सहयोग गरी जिताउने विश्वास पनि व्यक्त गर्नुभयो ।