बैशाख २३, कास्की,
अनिश्चीतकालकालागि भनेर स्थगित भएको गण्डकी प्रदेशसभाको विशेष अधिवेशन बैठक कहिले बस्ने भन्ने विषयमा अन्यौलता कायमै रहेको छ ।
स्थगित संसद् बैठक पुनः सञ्चालन गर्न दलहरूबीच सहमति नजुटिरहेका बेला बुधबार मुख्यमन्त्री पृथ्वीसुब्बा गुरुङंलाई नै कोरोना संक्रमण पुष्टि भएको छ । यसले पनि विशेष अधिवेशन पुनः सुरु हुने–नहुने अन्योल अझै कायमै रहेको हो ।
प्रदेशका सभामुख नेत्रनाथ अधिकारीले आजपनि छलफलकालागि कार्यव्यवस्था परामर्श समितिको बैठक बोलाउनुभएको छ । एमालेले सभामुखको कदम संविधानविपरीत भन्दै लगातार विरोध गर्दै आएको छ ।
यसअघि मंगलबारको बैठकमा मुख्यमन्त्री गुरुङले सभामुखको कदम असंवैधानिक भएको भन्दै माफी माग्नुपर्ने भन्दै वैशाख ३१ सम्म कास्कीमा लकडाउन भएकाले जेठ १ मा संसद् सुरु गर्ने र २ गते मतदान गर्ने प्रस्ताव राख्नुभएको थियो । तर कांग्रेस, माओवादी केन्द्र, राष्ट्रिय जनमोर्चा र जनता समाजवादी पार्टी (जसपा) ले १–२ दिनमै बैठक बोलाउनुपर्ने अडान लिएका थिए । आज बस्न लागेको समितिको बैठकले पनि कुनै निकास दिने संकेत नपाएको सरकारका प्रवक्ता एवं भौतिक पूर्वाधार विकासमन्त्री रामशरण बस्नेतले बताउन्ुभएको छ । अहिलेको असहज परिस्थितिलाई राजनीतिक दलबीचकै बहस छलफलले सुल्झाउनुपर्ने उहाँको भनाई रहेको छ ।