मानव बेचबिखन तथा ओसारपसार विरुद्धको ११ औं दिवसःजनचेतना जगाउनु प्रमुख कार्यःसभामुख,नौ जनालाई पुरस्कार र सम्मान

काठमाण्डौं । अवको गन्तव्य मानव बेचविखनको अन्त्य भन्ने मूल नाराका साथ मानव बेचविखन तथा ओसारपसार विरुद्धको ११ औं राष्ट्रिय दिवश मंगलबार देशभरी मनाइएको छ । महिला, बालबालिका तथा समाजकल्याण मन्त्रालयको आयोजनामा सम्पन्न कार्यक्रममा भृकुटीमण्डपदेखि कमलादी स्थित प्रज्ञा प्रतिष्ठानसम्म प्रभातफेरी गरिएको थियो ।

प्रभातफेरी लगत्तै आयोजित मूल समारोहलाई सम्बोधन गर्दै प्रमुख अतिथि सभामुख ओनसरी घर्तीले नेपाल विगतमा मानब बेचविखनको मुख्य श्रोत रहेको र अहिले ट्रान्जिट प्वाइन्ट बनेको बताइन् । मानव बेचबिखन तथा ओसारपसार मानव बिरोधी गम्भिर अपराध भएको बताउँदै सभामुख घर्तीले यसका विरुद्ध सबै जना एक भएर जनचेतना जगाउने आवश्यकता औंल्याइन् ।

संविधान कार्यान्वयनका लागि तिन तहको चुनाव वेलैमा सम्पन्न गर्नुपर्ने दायित्व सबैको काँधमा रहेको भन्दै सभामुख घर्तीले राजनीतिक स्थिरताका लागि संविधानले देखाए बमोजिम अगाडि बढ्नुपर्ने जिकिर गरिन् ।

कार्यक्रमकी अध्यक्ष महिला बालबालिका तथा समाजकल्याण मन्त्री आशा कोइरालाले विगतमा खुला सिमानाका कारण यौन शोषणका लागि बेचबिखन हुने गरेकोमा केही वर्ष यता नेपालका आन्तरिक बजार र वैदेशिक रोजगारीका लागि हुने श्रम आप्रवासनले बेचबिखनको आयाम र स्वरुपमा समयसापेक्ष जटिलता थपेको बताइन् ।

चेतनाको अभाव, गरिवी, समाजमा विद्यमान असमानता, विभेद, शोषण, र्दुव्यावहार र बेरोजगारीका कारण फैलिँदै गएको मानब बेचविखन तथा ओसारपसारको समस्या बिकराल बन्दै गएको धारणा राख्दै मन्त्री कोइरालाले सरकारको एक्लो प्रयाशले मात्र बेचविखनको समस्या समाधान हुन नसक्ने दावी गरिन् । पीडित तथा प्रभावितलाई सम्मानपूर्ण जीवन यापनका लागि उपयुक्त वातावरण सिर्जना गर्न सरकारका साथै नागरिक समाज र सबै सरोकारवालाले हातेमालो गरेर अगाडि बढ्नुपर्ने मन्त्री कोइरालाको भनाई थियो ।

मन्त्रालयका राज्यमन्त्री जाकिर हुसैनले दक्षिण एशियामा मानब बेचबिखन तथा ओसारपसारको समस्या भयावह रहेको बताउँदै यो समस्या समाधान गर्न जनचेतना जगाउने र दलाललाई कार्वाही गर्नुपर्ने धारणा व्यक्त गरे। मन्त्रालयका सचिव खगराज बरालले मानब बेचबिखन तथा ओसारपसारमा संलग्न दलाललाई समुलनष्ट गर्नका लागि सरकार प्रतिबद्ध रहेको बताए ।
नौ जनालाई पुरस्कार र सम्मान
सोही अवसरमा महिला, बालबालिका तथा समाजकल्याण मन्त्रालयले मानब बेचबिखन तथा ओसारपसार बिरुद्धको क्षेत्रमा उत्कृष्ट काम गरेका छ जनालाई पुरस्कृत तथा तिन जनालाई सम्मान गरेको छ । पुरुस्कृत हुनेहरुमा महिला, बालबालिका कार्यालय रौतहटका महिला बिकाश अधिकृत साबित्रा न्यौपाने, जिल्ला प्रहरी कार्यालय कंचनपुरकी प्रहरी जवान सपना ऐरी, हिमालय टाइम्स दैनिक पत्रिकाकी रमा लुइँटेल, कान्तिपुर एफ एमकी पार्वता चौधरी, शक्ति मिलन समाज, सुकेधाराकी एचआइभी संक्रमित नातीसरा राइ र शान्ति पुर्नस्थापना गृह ललितपुर ठेँचो पुरस्कृत भएका छन् ।

त्यसैगरी, सम्मानित हुनेहरुमा महिला तथा बालबालिका कार्यालय मकवानुिरकी महिला बिकाश निरिक्षक दुर्गा घिमिरे, अस्मिता नेपाल मकवानपुर हेटौंडाकी आरती पाठक र साथी संस्था नख्खु ललितपुर रहेका छन् ।

शक्ति समुहको गीति नाटक प्रस्तुत
आफन्त नै फकाउँथे, कतै थियो जर्बजस्ती
रहर, बाध्यता, बिश्वाशले भो जीवनमा सास्ती
खचाखच मानिसहरुले भरिएको हलमा गीतका यीनै हरफ गुन्जिँदा उपस्थित सबैको आङ सिरिङ्ग ग बेचिएकी चेलीको पीडामा ओतप्रोभ गीत र संगीतले उपस्थित सबैलाई भावुक बनाएको थियो । गीत र संगीतको तालमा कालो कपडा लगाएका पाँच किशोरी मञ्चमा नृत्य प्रस्तुत गरिरहेका थिए ।

आफन्तले नै ललाइ फकाइ गरी अनेक थरी सपना देखाएर बिदेशमा बेचिन बिबश चेलीहरुको कथा लिएर जव शक्ति समुहका यी किशोरी मञ्चमा उक्लिए। हल यसै पनि स्तब्ध बनेको थियो। राजधानीको कमलादी स्थित प्रज्ञाभवनको सभाहलमा उपस्थित सहभागी मात्र होइन कार्यक्रमकी प्रमुख अतिथिसभामुख ओनसरी घर्ती र कार्यक्रमकी अध्यक्ष महिला, बालबालिका तथा समाजकल्याण मन्त्री आशा कोइरालालगायत सवै अतिथि पनि नृत्यको दृश्य देखेर भावुक भइरहेका थिए।

Comments

comments

सम्बन्धित पोस्टहरू

Leave a Comment