काठमाडौं – लामा सार्वजनिक बिदा हलमा रहेको फिल्मका लागि सुखद हो । बिदाका अरु दिनका तुलनामा हलमा दर्शकको चाप केही हदसम्म बढेको पाइन्छ ।
बिदाको फुर्सद समय काट्न फिल्म हेर्न दर्शक हलमा जाने सम्भावना भने उच्च रहन्छ । यो सुविधा प्रदर्शनरत र शुक्रबारबाट प्रदर्शनमा आउने फिल्मले लिन उपभोग गर्न पाउने भएका छन् ।
शुक्रबारबाट लगातर पाँच दिन सार्वजनिक बिदा परेको छ । १९ गते शुक्रबार कृष्ण जन्माष्टमी र गौरा पर्वको बिदा छ । २० गते शनिबार र २१ आइतबार नियमित सार्वजनिक बिदा हो । २२ गते सोमबार छोडेर २३ गते जेन-जी सहिद दिवसका रुपमा बिदा दिने मन्त्रिपरिषदले निर्णय गरेको छ ।
सार्वजनिक बिदाको उपभोग केही फिल्मले गर्न पाउने भएका छन् । अहिले हलमा नायिका नीता ढुंगानाको फिल्म ‘पार्वती’ प्रदर्शनरत छ । त्यस्तै, शुक्रबारबाट ‘तिनीहरू’ नामक फिल्म प्रदर्शनमा आउँदैछ ।
