सरकार पुनर्गठन नगर्न एमालेको चेतावनी

काठमाण्डौं । नेकपा एमालेले प्रतिनिधिसभा र प्रदेशसभा सदस्य निर्वाचन परिचालनको संयोजकको जिम्मेवारी अध्यक्ष केपी शर्मा ओलीलाई दिएको छ । आज एमाले संसदीय दलको कार्यालय सिंहदरबारमा बसेको स्थायी कमिटी बैठकले निर्वाचन परिचालनको संयोजन गर्ने जिम्मेवारी अध्यक्ष ओलीलाई दिएको हो ।

बैठकमा वाम गठबन्धनबीच सिटको बाँडफाँट, चुनावी घोषणापत्र लगायतका विषयमा पनि छलफल भएको थियो । अध्यक्ष ओलीले पार्टीका स्वदेश, प्रवासमा रहेका सदस्य र भ्रातृसंगठनलाई निर्वाचनमा परिचालन गर्ने विषयमा धारणा राखेका थिए ।

बैठकपछि उपाध्यक्ष भीम रावलले यही असोज २९ गतेभित्र सबै सिटको बाँडफाँट गरी उम्मेदवारको टुंगो लगाइसक्ने जानकारी दिए । बैठकले निर्वाचन घोषणा भएका अवस्थामा सरकार पुनर्गठन गर्न नपाइने भन्दै त्यो बाटोमा नलाग्न प्रधानमन्त्रीलाई आग्रह गरेको छ ।

तोकिएकै समयमा निर्वाचन सम्पन्न गर्न बैठकले सरकारको ध्यानाकर्षण पनि गरेको छ । नेपाल निर्माण व्यवसायी महासंघका अध्यक्ष शरदकुमार गौचनको हत्याको भत्र्सना गर्दै एमालेले हत्यारालाई कानूनी दायरमा ल्याउन सरकारसँग माग गरेको छ ।

Comments

comments

सम्बन्धित पोस्टहरू

Leave a Comment